მეცნიერება

  მაშ ასე... მისი აღმატებულება მეცნიერება...  

მისი მზერა ყველაფრის წვდომის დაჟინებული სურვილით არის სავსე... მიწა, ცა, წყალი, მცენარე, ცხოველი, ადამიანი... მას უნდა, რომ ყველაფერზე   მიუწვდებოდეს ხელი ... მეცნიერება ხილული სამყაროს ფართო მასშტაბებს ეთამაშება... ხუმრობა ამბავია? ამხელა ფართობის წვდომა... აბა სცადე,  თუნდაც აიღე ერთი უცნაური ხელსაწყო... სახელად მიკროსკოპი და ჩაიხედე... დაათვალიერე მასში თუნდაც შენივე ნაწილი – სისხლი... სუნთქვა შეგეკვრება... ეს რეები დარბიან შიგნით, თან როგორ თავნებურად...

     

    დარბიან ჩვენს ამ წითელ სითხეში და სულ არ გვეკითხებიან გვინდა, თუ არა მათი ასეთი სირბილი ჩვენს შიგნით, იქნებ მე მინდა ნელა ისეირნონ, თან სიმღერით? რა კარგი იქნებოდა არა? დადიხარ და შენგან მელოდია იღვრება... შენც არ მომიკვდე... ვის ესმის... ალბათ თავისებურად უკვირთ კიდეც რატომ მიჩნდება ასეთი უცნაური სურვილები... მათ თავისი საქმე აქვთ... სულ არ ადარდებთ ჩემი სურვილები.... მაგრამ მარტო სურვილები? უფრო მეტიც, თქვენ წარმოიდგინეთ არც პოლიტიკა ადარდებთ, არც ის, სამარშუტო ტაქსებში რა საშინელ მუსიკას გვასმენინებენ... 


არა... გამალებით მოძრაობენ და აკეთებენ იმას, რასაც მათ მაგივრად და მათზე უკეთ ვერავინ და ვერაფერი ვერ გააკეთებს....ასევე იქცევა ჩვენს შიგნით და არამხოლოდ შიგნით, გარეთაც არსებული ყველაფერი, მთელი ხილული სამყარო უმცირესი უჯრედის ჩათვლით... აბა სცადეთ და აუკრძალეთ თოვლს მოსვლა – რაღაც არ მომწონს შენი ცივი ფიფქები და არ დაგინახო ჩემს ფანჯრებთან ჩამოფარფატებულიო... ბუნება ისეთი ხარხარით გიპასუხებს, შეიძლება   მიწისძვრა მოგენატროს... ეხუმრები ამ ყველაფრის გააზრებას, დალაგებას და აღქმას? სწორედ ამას ცდილობს მეცნიერება ... 



  მეცნიერება მიჩნეულია ადამიანის გონების   განვითარების უმაღლეს ეტაპად, აპოგეად ... უკანასკნელ ნავსაყუდელად, რომელსაც შეიძლება დავეყრდნოთ და ვენდოთ რაიმეს შეფასების, თუ გააზრების დროს ... მთელ ამ პროცესში მეცნიერების უამრავი დარგია ჩართული, მათ შორის  ჩემი საყვარელი ფილოსოფია და ფსიქოლოგიაც... თუმცაღა ფილოსოფიას, მე პირადად, მეცნიერებას არ მივაკუთვნებდი, თავისი არსით ის ცოტა უფრო განყენებულად დგას მისგან ...



გარკვეულწილად ამასვე ვიტყოდი ფსიქოლოგიაზე, რადგან მისი აღქმა და გამოყენება მხლოდ მეცნიერული ხედვით და მიდგომით, ვფიქრობ არასწორ დასკვნამდე მიგვიყვანს, შედეგად კი მივიღებთ იმას, რასაც "ადამიანის სულის დამახინჯებას" უწოდებენ, ამიტომ ამ მეტად სათუთ და აუცილებელ სფეროს უფრო სხვაგვარი მიდგომაც სჭირდება...    

  ეს ზოგადად, მეცნიერების საკითხზე უფრო დაწვრილებით სასაუბროდ კი გლობალურ ქსელს მივმართოთ....

"მეცნიერება — ადამიანის საქმიანობის სფერო, რომლის მიზანია გარემომცველი სამყაროს შესახებ ობიექტური ცოდნის მიღება, დამუშავება და სისტემატიზაცია. მეცნიერული ცოდნის დაგროვება ხდება ბუნების, საზოგადოების ან სხვა ობიექტის სამეცნიერო მეთოდის საშუალებით შესწავლის შედეგად. ამავე დროს მეცნიერება საზოგადოებრივი ცნობიერების ერთ–ერთი ფორმას წარმოადგენს (სამყაროს მეცნიერული სურათი).

     მეცნიერების საფუძვლად მიჩნეულია მეცნიერული ფაქტების შეკრება, მათი მუდმივი განახლება და სისტემატიზაცია, კრიტიკული ანალიზი, ამ ბაზაზე განხორციელებული ახალი მეცნიერული ცოდნის სინთეზი და მიზეზ–შედეგობრივი კავშირის დადგენა. ანუ, მოკლედ რომ ვთქვათ, მეცნიერული მიდგომის შედეგად იქმნება სხვადასხვა მეცნიერებების თეორიები და ჰიპოთეზები, რომლებიც ფაქტებით ან გამოცდილებით მტკიცდება და  ყალიბდება ბუნების, ან საზოგადოების კანონებად.  მეცნიერებათა სისტემას შემდეგ ჯგუფებად ჰყოფენ:

ფორმალური მეცნიერებები
საბუნებისმეტყველო მეცნიერებები
საზოგადოებრივი მეცნიერებები
კულტურული მეცნიერებები
გამოყენებითი მეცნიერებები".
 (მადლობა ვიკიპედიას) ....

რა მრავლისმეტყველი აღწერაა.... მთელი ამ მშვენიერი სიტყვების დაწურვით ვიღებთ შედეგს – თავისი ხედვით მეცნიერება სამყაროში თვალით დასანახი მოვლენების ცივ, მშრალ, მაგრამ თავისებურ, მათემატკური სიზუსტით აღწერას გვთავაზობს.. მიზეზ–შედეგობრიობის გააზრების ჩათვლით... და საკმაოდ მკვეთრად გამოკვეთს ჩვენს გარშემო არსებული სამყაროს თავისებურ სურათს..

მშვენიერია... მეცნიერების მეშვეობით გავიგეთ, რომ არსებობს გენეტიკა... რისი მეშვეობითაც ამოვხსენით (ერთი საინტერესო ადამიანის სიტყვებით რომ ვთქვა), რატომ ბადებს ადამიანი ადამიანს და არა ზღარბს (ეს როგორც წესი, თორემ ისე ანომალიებიც არსებობს)... ამით ასე, თუ ისე დავადგინეთ როგორ დავიბადეთ... 

გავიგეთ რა ქიმიური მოვლენები ხდება ჩვენ გარშემო... რატომ გრუხუნებს ცაში "რაღაც" და რატომ მოდის წვიმა... და ისიც კი, ნამცხვრის კეთებისას სოდას რომ ვასხამთ ძმარს, რატომ აფუშფუშდება ხოლმე .... გავიგეთ როგორ უბერავს ქარი, როგორ იზრდება მცენარე, თუ ცხოველი... რა მკაცრია ხანდახან ბუნება და ისიც, რომ ამ სიმკაცრეს თავისი მიზეზი ჰქონია, ურომლისოდაც ჩვენი ბუნება არ იქნებოდა ისეთი, როგორიც არის...


 გავიგეთ, რა არის ვარსკვლავი, მზე, მთვარე, კოსმოსი ... რატომ "კიდია" ერთი პლანეტა "ჰაერში" და არ ეცემა სხვა პლანეტას.... საერთოდ სიტყვა პლანეტაც გავიგეთ რა ყოფილა და ისიც გავარკვიეთ, რომ ჩვენ სადაც ვცხოვრობთ, ისიც პლანეტაა, სახელად "დედამიწა"... ყველაფერი გაგვიგია... აბა რაღა გვადარდებს.. ფეხი ფეხზე გადასადებად გვქონია საქმე... თუმცა...


  ეს ყვეალაფერი გარკვეულწილად დიდ ინფორმაციას იძლევა და მნიშვნელოვანიცაა, მაგამ შემეცნებსთვის არა საკმარისი.... შემეცნებისთვის მეტია საჭირო... თავად მეცნიერებიც ხშირად დამდგარან ამ პრობლემის წინაშე – არაერთხელ ყოფილა შემთხვევა, როცა მეცნიერების მიერ ერთხელ აღიარებული ჭეშმარიტება ასევე მეცნიერს, მეცნიერულსავე ხედვით თავდაყირა დაუყენებია, აბსურდად გამოუცხადებია და დაუმტკიცებია კიდეც ეს აბსურდულობა უკვე ახალი მეცნიერული ჭეშმარიტებით... და ასე დაუსრულებლად... 


   მეცნიერული პრობლემები ამით არ მთავრდება. რა ვუყოთ თუნდაც იმ მოვლენებს, რომლებიც თვალით უხილავია? არადა აშკარად არსებობს... მოვლენები, რომლებსაც მეცნიერები ჯერ ვერ ხსნიან... ზოგიერთ ამ მოვლენას პარანორმალურიც, ანუ ნორმიდან გადახრილი – ანომალიურიც კი დაარქვეს... 
  რა არის აურა? ტელეკინეზი? ტელეპათია?... ეს კითხვები გადაულახავი კედელივით აღმართულა მეცნიერების წინაშე...  მეცნიერება ჩერდება, ისვენებს...  და შეგნებული ღიმილით, რაფინირებული მანერებით, ზრდილობიანად "უთმობს გზას" რაღაცა სხვას...


  მადლობა ვუთხრათ მას... ის ხომ რაღაც ეტაპზე დაგვეხმარა სამყაროს შეცნობაში.... დავიმახსოვროთ მისი გაკვეთილი – ამ სამყაროში ყველაფერი რაღაცა ლოგიკით არის დალაგებული და რაღაც კანონზომიერებას ემორჩილება... თუმცა არა ყოველტვის ერთნაირს... ეს პრინციპი შეიძლება ჩვენს მოგზაურობაში არაერთხელ შეგვხდეს და დაგვეხმაროს... მაგრამ ამას დაბეტონებულ დოგმად ნუ მივიღებთ, უბრალოდ საგზლად წავიღოთ...   და განვაგრძოთ  მოგზაურობა ..